أسباب مقنعة كي تبقى دون ارتباط بأي فتاة

Spector

Spector

Admin

عدد الرسائل : 351
العمر : 37
الموقع : http://hamset-7ob.blogspot.com/
العمل/الترفيه : محاسب
تاريخ التسجيل : 14/07/2008

أسباب مقنعة كي تبقى دون ارتباط بأي فتاة

"إيه ده ؟!! انت مش مرتبط؟!!!" هذه الجملة كثيرا ما تقال لك بدهشة تحرجك حينما تقول أنه لست مرتبطا بفتاة، وكأن المفروض عليك أن ترتبط أول ما تاخد الاعدادية، فهم يعتبرون الحب مثل البطاقة "يجب أن يتم في سن 16 سنة".

ولكن يا عزيزي إليك 8 أسباب المقنعة لتبقى بعيدا عن فخ "الصحوبية والارتباط والحب".

ستتمكن من الاختيار الجيد

طول ما انت بعيد عن موضوع الصحوبية وربط حياتك بإنسانة من أول ما تعرفها، هتلاقي نفسك مرتاح في تقييم كل فتاة أمامك، وهتاخد راحتك في الاختيار بدون تسرع.

ستركز في مهنتك

تخيل كدة انك مرتبط وطول النهار تليفونات وزن وخنقة، بالتالي عمرك ما هتركز في شغلك ولا هتضيف جديد لنفسك ولا كورسات ولا اوفر تايم وهتلاقي نفسك في دوامة خروجات وفسح وهدايا وسفر مع شريكتك، وتخيل كمان معايا إنك قاعد في اجتماع شغل مهم وفجأة رن تليفونك وانت قمت من مكانك وكلك إحراج من رئيس مجلس الإدارة وأول لما ترد على التليفون تلاقي شريكتك بتقولك " يا بيبي أنا عايزة آكل أيس كريم وايت شوكولات وخايفة الدايت يبوز تفتكر آكل ولا بلاش؟".

هتعمل إللي انت عايزه في الوقت إللي تختاره

وانت مش مرتبط وطقت في دماغك تروح ديسكو مع أصحابك، هتلاقي نفسك بتاخد القرار بدون تفكير سواء نعم أو لا، ولكن في حالة ارتباطك لازم ترجع للشاويش إللي واقفلك على الواحدة، ومش ممكن تعمل إللي انت عاوزه في الوقت إللي تختاره، فشريكتك لازم تمضي بالرفض أو بالرفض - قصدي أو بالموافقة – على قراراتك، وهتلاقي نفسك متكتف على طول وكل ما تقولها على اقتراح هتلاقيها بتقولك "خلاص ياسيدي نعمل الموضوع ده سوا وآجي معاك".

البحلقة بدون تأنيب ضمير

كل صاروخ أرض جو بتبحلق فيه وانت ماشي في الشارع هيحسسك بتأنيب ضمير لأنك بتخون شريكتك بالنظر لغيرها، وهتلاقي صورتها طالعة في دماغك فجأة وتخليك تبطل أحلام وتخيلات مع الصاروخ إللي ماشي قدامك، ولكن لو انت مش مرتبط هتلاقي نفسك بتبص هنا وبتعاين هناك ومقضيها براحتك بدون مقارنات وحسرة وندم على قرار ارتباطك.

ستصبح مليونيرا

كلامنا ده مش هزار ده بجد، فكر كدة واحسب كل شلن دفعته في الارتباط من خروجات ومواصلات وهدايا وتليفونات وملابس وهدايا عيد الأم وزيارات لأهلها هتلاقي إنك لو وفرت كل الكلام ده كان زمانك مليونير.

ستعرف معنى الصفاء

ربما تقول الآن "وهل الحب هو مضاد للصفاء؟" سنقول لك نعم فهو سيجعلك في حالة تفكير دائم، وحتى لو كان هذا التفكير إيجابي وسعيد إلا أنه تفكير وتعكير صفو الهدوء ومضاد لحالة الطناش والتنفيض الجميلة التي نود أن نعيشها للحظات.

Rehab

Rehab

عدد الرسائل : 184
العمر : 34
الموقع : http://hamset-7ob.blogspot.com/
العمل/الترفيه : طالبة بكلية التربية جامعة الاسكندرية
المزاج : التدريس*القراءة*التمثيل
تاريخ التسجيل : 09/08/2008

موضوعك جميل جدا بس للاسف مثير للنقد، اولا نقد العنوان ( اسباب مقنعه كي تبقي دون ارتباط بأي فتاه) لا توجد اسباب مقنعه او غير مقنعه لعدم الارتباط فالزواج هو سنة الحياة، النقطه الاولي (ستتمكن من الاختيار الجيد) الكلام هنا يناقد بعضه لان هذه النقطه تشير الي انك سوف ترتبط يوما ما، النقطه الثانيه (ستركز في مهنتك) الحب يجعل الانسان في حاله نفسيه وصحيه جيده لانه يشعر بالسعاده في ذلك الوقت الذي يحب فيه لذلك فأنت سوف تركز اكتر في مهنتك علي العكس اذا كنت حزين ومكتئب، اما موضوع انك في اجتماع فهذا خطأك انت من البدايه لانه من الاحترام ان تغلق تليفونك قبل حضور الاجتماع و اذا حدث هذا فعلا فهذا ليس خطأ البنت لانها لا تعلم انك في اجتماع بس انها اتصلت بك لانها تحبك و تود ان تسمع صوتك فقط، النقطه الثالثه (هتعمل اللي انت عايزه في الوقت اللي تختاره) المرأه كائن حساس لا يجب ان نطلق عليه لفظ شاويش فالمرأه عندما تحب بقلبها تمنح الرجل كل شيئ وتفعل كل ما يسعده فاذا وجدت سعادتك في عمل شيئ فتأكد انها لن ترفضه واذا رفضت فهذا بدافع خوفها عليك وحبها لك، النقطه الرابعه ( البحلقه بدون تأنيب ضمير ) ان النظر الي الصواريخ ليس شيئ مستحب والدين يحرمه لذلك فعليك ان تشكر حبيبتك لانها تبعدك عن فعل المعاصي وارتكاب الذنوب وكذلك فأنت تكون مخلص لحبها وعندما تنظر في المرايه تشعر بالفخر تجاة نفسك لانك انسان مخلص، النقطه الخامسه (ستصبح مليونيرا ) عليك ان تعترف بالحق لانه فضيله فعندما تشتري لحماتك هدية عيد الام اكيد حبيبتك سوف تشتري هدية عيد الام لوالدتك فأنتم تتبادلان الهدايا كذلك في اعياد ميلادكم وتأكد ان حبيبتك هي التي سوف تبدأ بفعل ذلك الشيئ ولا تنسي قول رسولنا الكريم " تهادوا تحابوا " ، النقطه السادسه (ستعرف معني الصفاء) الحب ليس مضاد للصفاء فما اجمل ان يعيش الانسان في ظل الحب وشريك الحياة الذي يحمل عنه همومه ويحاول ارضاءه دائما، ولا ننسي ان الانسان كائن اجتماعي بطبيعته لا يوجد منفردا لذلك فيكون بالقرب من حبيبه لانه افضل من اي شخص تاني بالنسبه له......... انا بقدم اعتذاري لاني نقدت الموضوع لكن حرام يعيش الانسان بمفرده في الحياه دون حبيب، يجب ان تغير وجهة نظرك تجاه الفتيات وتعلم ان هناك فروق فرديه بين البنات وليس كل البنات سيئه فهناك الفضليات..... رحاب

أسباب مقنعة كي تبقى دون ارتباط بأي فتاة

1 أسباب مقنعة كي تبقى دون ارتباط بأي فتاة الأحد 27 يوليو 2008, 2:23 am

Spector

2 رد: أسباب مقنعة كي تبقى دون ارتباط بأي فتاة الأحد 17 أغسطس 2008, 3:18 pm

Rehab