أسباب تثبت أنك Fall in love

Spector · 1 أسباب تثبت أنك Fall in love الأحد 27 يوليو 2008, 2:20 am

Spector

Admin

عدد الرسائل : 351
العمر : 37
الموقع : http://hamset-7ob.blogspot.com/
العمل/الترفيه : محاسب
تاريخ التسجيل : 14/07/2008

أسباب تثبت أنك Fall in love

التبليم والسهتنة والبرود والسهوكة ليست دليلا على الرومانسية والعواطف والعشق، ولكن هناك طرق أخرى للإجابة عن هذا السؤال "هل وقعت في الحب؟" وهذه الطرق يمكنك قياسها على علاقتك بأي فتاة لتعرف هل تحبها أم مجرد إعجاب عابر، وهذه الطرق 8 :

1- تنسى ماضيك وحكاويه

لما هتقابل بنت جديدة وأعجبت بيها هتلاقي إنك بدأت تنسى كل إللي عرفتهم قبل كدة، وهتبدأ تقارنها بتصرفات البنت أو البنات إللي صاحبتهم قبلها، وهتلاقيك ناسي كل تصرفاتك مع البنات دول وبتبعد عن تذكر الأحداث إللي كانت معاهم، بل ممكن تفتكر بس أول مكان شفتهم فيه وآخر يوم سبتهم فيه.

2- لن تتوقف عن التفكير فيها

طبعا هتقول "طب ما النقطة التانية دي حاجة معروفة جدا" ولكن هنقولك إنك ممكن متعرفش تقيس مدى تفكيرك في حد بتحبه واختلافه عن تفكيرك ليل ونهار في أي حد تاني، فمن مظاهر تفكيرك في بنت بتحبها إنك تكون ماشي مع أصحابك وتتسمر أمام فاترينة هدايا وتقعد تسأل نفسك "هل الهدية دي ممكن تعجبها؟" وكمان هتحس بمتفجرات في راسك وكل شوية هتفكر فيها وكل ما تشوف أي بنت أو أي ولد وبنت، هتفتكر حبيبتك على طول.

دايما هتتمنى إنها تفكر فيك نص ما انت بتفكر فيها، وهتبقى عايز تكلمها في التليفون بس خايف من إنه يبان عليك حماسك ودلقتك.

3- تهتم بها كثيرا

كل البنات إللي عرفتهم لفترة قصيرة سواء في رحلة أو شلة مدرسة أو كلية أو جارة، هتلاقي إن عمرك ما سألت واحدة فيهم عن أسلوب تفكيرها وحياتها وشخصيتها وكنت هتموت وتعرف حاجة عنها، أما البنت إللي بتحبها فعلا بتبقى مهتم بكل فتفوتة في حياتها وعايز تعرف أكتر وأكتر.

سوف تشعر بتعاسة شديدة لو حبيبتك واجهت يوم صعب ومليان متاعب، وتعاستك دي هتكون بسبب عجزك عن حمايتها وإسعادها.

4- تجد سحرا في مراوغتها ومطاردتها

هتحس بفخر وإعجاب بنفسك طول ما أنت بتسعى وراها عشان تنول إعجابها، فمثلا تطفش إللي حواليها عشان تنفرد بكلمتين معاها، أو إنك تجيبلها نتيجة الامتحان وتتلكك وتكلمها وتقولها الخبر ده، وعمرك ما هتحس إنك بتقلل من نفسك عشان بتجري وراها وورا رضاها.

5- ماشي معاها على الخط

هتلاقي بينكم كيمياء غريبة وتفاعلات مستمرة تسعدك للغاية، دايما هتفكر بنفس أسلوبها، وهتدور على طول على الحاجات المشتركة بينكم، ودايما هتتجنب الخلاف في الرأي ولو حتى على المطرب المفضل.

6- لا تجد امرأة أفضل منها

سواء شفت شاكيرا ولا نانسي عجرم، عمرك ما هتحس ناحيتهم زي إللي بتحسه مع حبيبتك، بل إنك ممكن تفتكر حبيبتك كل ما تشوف واحدة من دول.

7- تعشق قضاء الوقت معها

هتحاول تفضل معاها لأطول فترة ممكنة، وعمرك ما هتكون أول واحد ينهي اللقاء، وعمرك ما هتقولها "باي باي" الأول في التليفون، وهتسيب مقابلاتكوا تنتهي عند آخر وقت ممكن تقضيه معاها، وهتسيب عيلتك لفترات طويلة نتيجة اهتمامك بحبيبتك.

8- تبدأ في التفكير في المستقبل وهي فيه

المستقبل يساوي حبيبتك، هتفكر في جوازك وفي شهر عسلك وفي أسماء أولادك وفي وظيفتك ومسكنك وهتكون هي طرف أساسي في كل ده، حتى لو مشاركتهاش الحديث عن المستقبل، إلا أنك ستضعها فيه كلما فكرت عن حياتك المقبلة.

أسباب تثبت أنك Fall in love

1 أسباب تثبت أنك Fall in love الأحد 27 يوليو 2008, 2:20 am

Spector